Украинанинг Алушта шаҳрида йиғин ўтказаётган наманганликлар бу ҳафтада иккита ўртоқлик учрашувида майдонга тушишди. Дастлабки ўйин 26 январь куни Россия 2-лигасининг «Машук» КМВ (Пятигорск) клубига қарши ўтказилди.
Ушбу баҳсда Виктор Жалилов шогирдлари 1:0 ҳисобида ғалаба қозонишди. Тўпни Абдулазиз Султонов киритди. Кейинги ўйин эса Украина олий лигаси вакилига қарши ўтказилди. Бу учрашув ҳақида кейинги сонимизда тўлиқ маълумот берамиз.
«Навбаҳор» вакили Ё.Юсуповнинг маълумотига қараганда, наманганликлар сафига уч нафар легионер қўшилган. Улардан икки нафари украиналик, яна бири эса бразилияликдир. Бразилиялик футболчи Педро Рамос ҳужум чизиғида тўп суради.
Жалилов шогирдлари Алуштада 8 февралгача машғулотлар ўтказишади. Бу вақт ичида яна қатор ўртоқлик учрашувлари ўтказиш режалаштирилган. Шунингдек, янги легионерлар ҳам кўрикдан ўтишади.