Намангандаги "Навбаҳор” марказий стадионида "водий дерби”си бўлиб ўтди. Мезбонлар "Навбаҳор” футболчилари қўшнилари "Андижон” жамоасини қабул қилди.

Ҳар доим муросасиз курашларга бой тарзда кечадиган учрашув бу сафар ҳам ўз номини оқлади. Тенг курашлар остида кечган учрашув натижаси ҳам тенг кўринишда бўлди.

Учрашувнинг дастлабки дақиқалариданоқ олдинга ташланган мезбонлар 4-дақиқадаёқ пенальти тепиш ҳуқуқини қўлга киритишди. Рўзимбой Аҳмедовга нисбатан Ҳайдар Абдурраззоқ Ҳасан қўполлик ишлатди. Жарима зарбасини жамоа сардори Рустам Қурбонбоев аниқ амалга ошириб ҳисобни очди.

Иккинчи голни мухлислар нақ саксон дақиқа кутишга тўғри  келди. Унгача тенг курашлар остида кечган учрашувда меҳмонлар ҳисобни тенглаштириш илинжида олдинга ташланиб туришганди. Бу эса айнан 84-дақиқага келиб иш берди. Иккинчи бўлимда биринчи гол "айбдори” Абдурраззоқнинг ўрнига майдонга чиқарилган Лочинбек Солиев ҳисобни тенглаштирди. Бу Солиевнинг бу йилги мавсумдаги учинчи голи эди.

Қолган дақиқаларда иккала жамоа аъзолари қанчалик ҳаракат қилишмасин учрашувда ҳисоб ўзгармай қолди. Жанговарлик кутилган "Водий дерби”сида муроса кўчаси танланди.

Олий Лига. 5-тур.
«НАВБАҲОР» - «АНДИЖОН» - 1:1 (1:0).
Голлар: Рустам Қурбонбоев (5-пен) – Лочинбек Солиев (84).

«НАВБАҲОР»: Эркин Жабборов, Жамол Отақулов, Патрик Агбо (Абдумалик Абдуллаев, 90), Абдумажид Тоиров, Рустам Қурбонбоев, Баҳриддин Амонов, Шавкат Насибуллаев, Отабек Валижонов, Виталий Почуев, Рўзимбой Аҳмедов, Александр Шадрин (Алишер Маҳмудов).

«АНДИЖОН»: Ғайрат Хасанов, Шавкат Раимқулов, Ҳайдар Абдурраззоқ Ҳасан (Лочинбек Солиев, ), Алексей Касьян, Александр Половков, Ойбек Қиличев, Драган Жоржевич, Пётр Хворостянов, Олим Навкаров, Бахтиёр Ҳамидуллаев (Афзал Азизов, 90+1), Илдар Маматказин.

Манба: uff.uz