Ўзбекистон олимпия терма жамоасининг таркиби 27 февралдан 1 мартга қадар Тошкентда дастлабки йиғинини ўтказади. Хабарингиз бўлса, ушбу жамоага Аҳмад Убайдуллаев бош мураббий этиб тайинланган. Чунки терма жамоанинг кўпчлаб футболчилари ушбу мутахассисга Ўзбекистон ёшлар терма жамоаси орқали жуда яхши таниш. Айнан Убайдуллаев бошчилигидаги ёшлар терма жамоаси 2008 йили Саудия Арабистонида ўтказилган Осиё чемпионатида кумуш медалларни қўлга киритганди. Бундан ташқари, Убайдуллаев бошчилигидаги ёшларимиз ўтган йили Мисрда бўлиб ўтган жаҳон чемпионатида ҳам иштирок этишганди.
Пойтахтда ўтказиладиган илк йиғиндан сўнг Убайдуллаев жамоаси 3 март куни Қатарга йўл олади. У ерда йигитларимиз Қатар олимпия термасига қарши ўртоқлик учрашуви ўтказадилар.
Куни кеча Ўзбекистон олимпия терма жамоасининг 25 нафар футболчидан иборат кенгайтирилган таркиби эълон қилинди. Таъкидлаш лозимки, шулардан 20 нафари Қатарга йўл олади. Қувонарлиси шундаки, "Навбаҳор" жамоасининг 2 нафар янги ёш футболчиси Суннат Мамадалиев ва Сарвар Отабоевлар ҳам ушбу термага чақирилишди.
 
Олимпия терма жамоасининг кенгайтирилган таркиби
Дарвозабонлар:
Санжар Қувватов 1990 «Машъал»
Муҳиддин Худоёров 1990 «Бунёдкор»
Дониёр Усмонов 1989 «Нефтчи»
Ҳимоячилар:
Мурод Холмуҳамедов 1990 «Пахтакор»
Шерзод Аъзамов 1990 «Насаф»
Сарвар Отабоев 1989 «Навбаҳор»
Зоҳид Раупов 1989 «Бунёдкор»
Дилёрбек Эрматов 1989 «Нефтчи»
Камолиддин Тожибоев 1990 «Бунёдкор»
Абдуқаҳҳор Ҳожиакбаров 1989 «Бунёдкор»
Ғулом Ўрунов 1989 «Пахтакор»
Санжар Шоахматов 1989 «Олмалиқ»
Иқбол Бобохонов 1989 «Нефтчи»
Ярим ҳимоячилар:
Жавлон Ибрагимов 1990 «Локомотив»
Фозил Мусаев 1989 «Машъал»
Зоҳир Пиримов 1990 «Олмалиқ»
Суннат Мамадалиев 1989 «Навбаҳор»
Шерзод Каримов 1989 «Пахтакор»
Жасур Ҳасанов 1989 «Олмалиқ»
Достон Абдураҳмонов 1990 «Олмалиқ»
Дониёр Ҳасанов 1990 «Бунёдкор»
Кенжа Тўраев 1989 «Насаф»
Ҳужумчилар:
Даврон Мирзаев 1989 «Рубин», Қозон
Алишер Азизов 1990 «Пахтакор»
Санъат Шихов 1989 «Пахтакор»

Наманганликлар эртадан бошлаб йиғиннинг иккинчи қисмини яна Тошкентда давом эттиришади. Ўтган якшанба куни «Навбаҳор» «Андижон»га қарши ўртоқлик учрашувда майдонга тушди. Баҳс дуранг 2:2 ҳисобида якунланди. Наманганликларнинг голларига жамоада кўрикдан ўтаётган легионерлар Максим Кривий ва Сергей Пономаренколар муаллифлик қилишди. Суннат Мамадалиев эса пенальтидан самарали фойдалана олмади. «Навбаҳор»: Э.Жабборов, Т.Султонов, Ю.Недашковский, А.Половков, Р.Бердимуродов, Э.Жаҳонов, С.Мамадалиев, А.Маҳмудов, А.Розеев, Е.Демиденко, М.Кривий.
Захирадан майдонга тушганлар: С.Қобилжонов, С.Отабоев, Д.Умаралиев, Б.Умаров, Ғ.Жўраев, И.Бойдедаев, Д.Абибуллаев, С. Пономаренко, О.Валижонов.
Таркибга уч нафар янги футболчилар - украиналик ярим ҳимоячи Евгений Демиденко, Дилявер Абибуллаев («Бухоро») ва Баҳром Умаров («Сўғдиёна») қўшилишди.


Манб: ЎФФ расмий сайти, "ИнтерФУТБОЛ" газетаси.