Бугун Ўзбекистон футбол Федерациясининг мажлислар залида 2010 йилги Ўзбекистон Кубоги баҳсларининг қуръа ташлаш маросими бўлиб ўтди. 

Аввал хабар бериб ўтганимиздек, бу йилги мусобақада Олий лиганинг 14та ҳамда Биринчи лиганинг 18 та клуби қатнашади. 1/16 финал босқичида Биринчи лига жамоалари Олий лига вакилларини ўз майдонларида қабул қиладилар ва жуфтлик ғолиблари битта ўйин натижасига кўра аниқланди. 1/8 финалдан бошлаб эса, ўйинлар ўй-меҳмон тизими остида ўтказилади, фақатгина сўнгги финал учрашуви бундан мустасно. 

Аввалги Кубок баҳсларидан фарқли ўлароқ, бу сафар ўтган йилги Кубокнинг кучли жамоалари алоҳида "тўр” бўйича ажратилмади. Яъни, мусобақанинг 1/8 финалидаёқ ўтган йилги финалчилар "Пахтакор” ва "Бунёдкор” ўзаро учрашишлари мумкин эди. Аммо қуръа жараёнида клуб вакиллари ўз рақамларини тортишгач, Тошкент супер-клублари фақатгина финал беллашувида бир бирларига рўбарў келишлари мумкинлиги ойдинлашди. Эътироф этиш жоизки, Луиш Фелипе Сколари шогирдлари 1/16 финалда ўтган мавсум Олий лигани тарк этган "Бухоро” майдонига сафар уюштиришса, 2009 йилги Кубок соҳиби "Пахтакор” эса, Термизга йўл олиб, "Динамо-Ҳамкор”ни синовдан ўтказади. 
 
Дастлабки босқич. 19-20 март
«Локомотив-БФК» (Тошкент) - «Хива» (Хива)
«Косонсой» (Косонсой) - «Гулистон» (Гулистон)

 

1/16 финал. 28 март
«Сўғдиёна» (Жиззах) - «Металлург» (Бекобод)
«Динамо-Хамкор» (Термиз) - «Пахтакор» (Тошкент)
«Жайхун (Нукус) - «Қизилқум» (Зарафшон)
«Раш-Милк» (Шахрихон) - «Шўртан» (Ғузор)
«Шўрчи-Лочин» (Шўрчи) - «Динамо» (Самарқанд)
«Шайхонтохур» (Тошкент) - «Навбаҳор» (Наманган)
«Динамо-Ғаллакор» (Ғаллаорол) - «Локомотив» (Тошкент)
«Насаф-2» 1/8 финалга тўғридан-тўғри чиқади
«Машъал-Спорт» (Муборак) - «Машъал» (Муборак)
 «Локомотив-БФК» - «Хива» жуфтлигининг ғолиби - «Хоразм»
«НБУ-Осиё» (Тошкент) - «Нефтчи» (Фарғона)
«Бунёдкор-2» (Тошкент) - «Олмалиқ» (Олмалиқ)
«Бухоро» (Бухоро) - «Бунёдкор» (Тошкент)
«Зарафшон-НЦЗ» (Навои) - «Насаф» (Қарши)
«Косонсой» - «Гулистон» жуфтлигининг ғолиби 1/8 финалга чиқади
«Спартак» (Тошкент) - «Андижон» (Андижон)