"Navbahor"-"Andijon". Preview
5-iyun shanba kuni biz yana bir vodiy derbisini guvohiga aylanamiz. Bu safar Navbahor-Andijon jamoalarining 35-to'qnashuvini kuzatamiz. So'nggi to'rt turni mehmonda o'tkazib kelayotgan Amet Memet shogirdlari 1-davradagi so'nggi safar o'yinini Namanganda o'tkazishadi. Ketma-ket mag'lubiyatlar Andijonni qiyin ahvolga solib qo'yganligi bor gap. 11 ta o'yinda andijonliklar 11 ochko jamg'arashib 10-pog'onadan joy olishgan. Navbahor esa hozircha 5-o'rinda, lekin oradagi farq atigi 4 ochko xolos. Vodiy derbisining uchinchi darajali o'yini (1-darajalisi Navbahor-Neftchi, 2-darajalisi Neftchi-Andijon) o'ylaymizki oldingilari singari keskin kurashlar ostida o'tadi. Esingizda bo'lsa, o'tgan mavsumda ham Andijon 1-davraning so'nggi beshta uchrashuvini mehmonda o'tkazgandi. 2-davrada esa o'z maydonida dastlabki beshta o'yinda faqat g'alaba qozongan edi. Davralar oralig'ida Memet Andijonni qabul qilib olgandi. Universiada-2010 ning Andijonda o'tkazilishi tufayli Andijon o'z uyidagi Qizilqum va Dinamoga qarshi o'yinlarni mehmonda o'tkazganligi yana o'tgan yilgi holatni eslatmoqda. Andijonliklar hozircha safardan g'alaba bilan qaytishganicha yo'q. Faqat Paxtakor bilan Toshkentda durang qayd etishgan. Agar ushbu turda ham Andijon g'alaba qozona olmasa, 1-davrada safarda 1 ochko jamg'argan bo'ladi. Navbahor o'z maydonida Mash'al, Nasaf va Neftchiga bir ochko taqdim etgan bo'lsa, Paxtakor va Bunyodkordan ochko ololmadi. O'tgan turda Navbahor Neftchi bilan (1:1) durang qayd etgandi va endi ushbu o'yinda g'alaba qozonmasa bo'lmaydi. Hech bo'lmasa, shuncha muxlis haqqi-hurmati uchun ham Andijon mag'lub etilishi kerak. Jalilov Neftchi bilan o'yindan so'ng, jamoada ichki muammolar borligini bildirib o'tdi. O'z navbatida Amet Memet ham Andijonda shunga o'xshash muammolar borligiga sha'ma qilgan. Nima bo'lgan taqdirda ham muxlislar o'z jamoalaridan g'alaba kutishga haqli.
Uy jamoasiga aylanib qolgan Andijon safardagi ochkolarini boyitib olishga harakat qiladi. Neftchi bajara olgan ishni Andijon ham uddalashga urinib ko'radi. Ushbu derbida ustoz-shogird bahsini ham guvohi bo'lamiz. Amet Memet Navbahorda ishlab yurgan kezlarida Viktor Jalilovga yordamchi bo'lgandi. Shuningdek, Paxtakor va Mash'alda ham. Andijon tarkibida ayni paytda harakat qilayotgan Afzal Azizov, Akmal Shorahmedov, Rinat Bayramov, Muxtor Fozilov va Shuhrat Mirxoldirshoyevlar o'z vaqtida Navbahor sharafini himoya qilishgandi. To'g'risini aytganda, Andijon transferlar paytida qolgan jamoalarga nisbatan ko'proq Navbahor futbolchilariga og'iz soladi.
Keling, endi har ikki jamoaning o'zaro o'yinlar tarixiga nazar solsak. Jamoalar hozirgacha 34 marta ro'baro kelishgan. Shundan teng yarmi - 17 tasida Navbahor g'alaba qozongan. Andijon esa 10 marta Navbahorni yenggan. Qolgan 7 ta o'yinda durang qayd etilgan. To'plar nisbati 53-33, Navbahor foydasiga. Andijon Namangandan faqat 1 marta g'alaba bilan qaytgan (1995 y), Navbahor esa mehmondan 5 marta uch ochko bilan qaytgan. Namanganliklar 5 marta 3:0 hisobida Andijonni yer tishlatgan, shuningdek bir marta, Andijon elita bilan xayrlashgan mavsumda 5:0 hisobida ham mag'lub etilgan. Andijon bir safar o'z maydonida Navbahor darvozasini 4 marta ishg'ol qilgan. Jamoalarning so'nggi to'rtta o'yini durang bilan yakun topgan. Navbahor oxirgi marta Andijonni 2006-yilgi mavsumda mag'lub etgan. Chempionatimizda 1996-yilgacha Andijon Navro'z nomi ostida to'p surganligini ko'pchilik biladi. Darvoqe, o'yin oldidan har ikki jamoaning himoya qo'rg'onida yo'qotishlar bor. Navbahordan Akmal Xolmurodov (4 ta sariq kartochka) va Andijondan Abdumajid Toirov (3 ta o'yinga diskvalifikatsiya) jamoasiga yordam bera olmaydi.
Ha, aytgancha, derbini Arslon Xotamov boshqaradi. Qanotlarda unga A.Bukatin hamda A.Mironovlar yordamlashadi. Zahiradagi hakam Sh.Qosimov, nazoratchi etib esa V.Valitskiy tayinlangan.
O'ZARO O'YINLAR TARIXI
1992-yil
Navbahor-Navro'z 2:0 (Zabirov 31, Bayramov 64)
Navro'z-Navbahor 1:1 (Bukin 70 - Zabirov 40)
1993-yil
Navbahor-Navro'z 3:2 (Xabibullin 5, Bayramov 74, Abduqodirov 83-Safarov 19,81)
Navro'z-Navbahor 0:0
1994-yil
Navbahor-Navro'z 0:0
Navro'z-Navbahor 0:1
1995-yil
Navbahor-Navro'z 1:2
Navro'z-Navbahor 0:2
1996-yil
Navbahor-Navro'z 3:2 (Mamotov 24, Batinkov 34,60-pen - Nazirov 74, Abduqodirov 78-pen)
Navro'z-Navbahor 1:1
1997-yil
Navbahor-Andijon 2:1
Andijon-Navbahor 2:0
1998-yil
Navbahor-Andijon 3:0
Andijon-Navbahor 1:2
1999-yil
Navbahor-Andijon 2:2 (Nazarov 28, Koshelev 87-pen - Akbarov 49-pen, Hamidullayev 56)
Andijon-Navbahor 1:1 (Zabirov 68 - Soliyev 25)
2000-yil
Navbahor-Andijon 3:0 (Rahmonqulov 33, G'ofurov 81, Kurlayev 86-avt)
Andijon-Navbahor 4:2 (Musaboyev 29, Mo'minov 39, Pirmatov 62, Hamidullayev 69 - Mirxoldirshoyev 22, Soliyev 54)
2001-yil
Navbahor-Andijon 3:0
Andijon-Navbahor 4:0
2002-yil
Navbahor-Andijon 3:0
Andijon-Navbahor 2:0 (Gaffarov 24, Hamidullayev 68)
2003-yil
Бош сахифа 
0:1
0:1
: