«Навбаҳор» Намангандаги йиғинини ўтган якшанба куни якунлаганди. Машғулотлар сўнггида жамоа икки таркибга бўлинган ҳолда ўйин ўтказди. Энди 20 январдан 4 февралга қадар Тошкентда ўқув-машғулотлар йиғини уюштирилади.
Унда таркибга бир қатор тажрибали футболчиларнинг қўшилишлари кутилмоқда. Агар муаммоли чизиқлар учун Ўзбекистондан футболчилар топилмаса, легионерлар таклиф этиш кўзда тутилган.
Ҳозирча таркибда жиддий ўзгаришлар йўқ. Даволанишдан сўнг Отабек Валижонов сафга қайтди. Шунингдек, машғулотларда Баҳриддин Омонов ҳам қатнашмоқда. Мақсуд Ҳаитов, Денис Тойменцов ва Хайрулла Маҳмудовларнинг ҳаракатлари Сакаевга маъқул келмаган кўринади, уларга жавоб бериб юборилди.
Ўтган куни эса навбатдаги йиғинни бошланди. Бу сафарги тайёргарлик 4 февралга қадар пойтахтда олиб борилади. Элдор Сакаев шогирдлари Тошкент йиғини чоғида бир қатор назорат ўйинларини ўтказишади.