Наманган футболи тарбияланувчилари бўлган Шерзод Жўраев, Абдураззоқ Жўраев, Музаффар Холиқов ва Сарвар Отабоев, шунингдек, «Пахтакор»нинг ўринбосарлар таркиби вакиллари Сардор Қобилжонов, Шуҳрат Қозоқбоев ҳамда Шуҳрат Йўлдошевлар шулар жумласидан. Холиқов ва Ш.Жўраевлар 2009 йилги мавсумни ўйин амалиётисиз ўтказган бўлишса, А.Жўраев биринчи даврада «Бухоро» сафида тўп сурганди. Отабоев эса «Қизилқум»да ўйнаган.

Носир Отақўзиев, Владислав Кирьян ва россиялик легионер Юрий Шеленковлар йиғинда иштирок этишмади. Уларнинг янги мавсумни бошқа клублар таркибида ўтказишлари аниқроқ.

Машғулотларни Юрий Ковшов, Мустафо Байрамов ва Анвар Жабборовлар олиб боришди. Хабарингиз бор, Анвар Жабборов бир пайтлар наманганликлар дарвозасини қўриқлаган. У клубга дарвозабонлар мураббийи сифатида таклиф этилди.

Навбатдаги ўқув-машғулотлар йиғини келаси йилнинг 6 январидан бошланади. Унда «Пахтакор» дарвозабони Эркин Жабборов ва ҳимоячи Раҳматулла Бердимуродов, шунингдек, «Бухоро» ҳужумчиси Лочин Солиевлар сафга қўшилишлари мумкин. Шунингдек, навбатдаги йиғинда бир қатор легионерлар ҳам синовдан ўтишади.