«Манчестер Юнайтед» бош мураббийи сэр Алекс Фергюсон ҳакамларнинг хатолари шогирдларининг руҳий ҳолатини ўзгартиролмаслигини билдирди. Фергюсоннинг фикрига кўра, сўнгги учрашувларда «манкунианликлар» рақиблари ҳакамлар томонидан «ёрдам» олишмоқда экан. «Сўнгги баҳсларда бизга нисбатан нотўғри қарорлар чиқарилди. Гўёки ҳамма бизга душмандек. Аммо, ҳақиқатни яшириб бўлмайди. Имкониятларимиздан келиб чиқиб айтадиган бўлсам, бизнинг жамоа анча кучли. «Челси»га қарши яхши ўйин намойиш қилдик. Фақат омад биздан юз ўгирди. Чемпионлар лигасида «аристократлар»га қарши баҳсда бу вазиятни эсдан чиқармаймиз. Ҳайриятки ўйинимизни англиялик ҳакам бошқармайди. Учрашувдан сўнг ҳакамлар ҳақида салбий фикрлар билдирган бўлсам, бунга етарлича асосим бор. Англия футбол федерацияси ҳакамларни қаттиқ ҳимоя қилади. Умуман олганда бунга розиман. Ҳакамлар ўйинга холис ёндошишлари керак. Агар бу ҳол амалга ошмаса, уларга баҳо беришдан чарчамайман», - деди Фергюсон.