Маълумки, ёшлар терма жамоамиз Лондондаги ўқув машғулот йиғинлари доирасида бир қатор ўртоқлик учрашувларини ўтказишни режалаштирган эди. Бугун вакилларимиз машҳур “Челси”ни ёшларига қарши майдонга тушиб, ишончли ғалабага эришишди.
Биринчи бўлим тенг кучлар остида кечган бўлсада, 2 бўлим бошларида ҳамюртларимиз ҳисобда олдинга чиқиб олишган. Терма жамоа матбуот котиби Бахтиёр Маметовнинг хабар қилишича “пахтакор”чи Санъат Шиховнинг жарима майдончадан берган кучли зарбаси лондонликлар дарвозаси “тўққизлиги”дан жой олган. Шундан сўнг мезбонлар асосан ҳужумкор ўйин кўрсатишган бўлишса, бизникилар хавфли қайта ҳужумларга таянишган. Эслатиб ўтамиз, А.Убайдуллаев шогирдлари дастлабки синов баҳсида “Фулхэм” ёшларига 2:1 ҳисобида имкониятни бой беришган эди. Сўнгги назорат учрашуви эса Бирмингем шаҳрида “Асто Вилла”га қарши 17 август куни ўтказилади. Ўзбекистон (U-20) – «Челси»-1:0 (0:0) Гол: Санъат Шихов, 54