Наманганликлар ўтган ҳафта ўрталарида йиғин ўтказиш мақсадида Дукентга йўл олишни режалаштириштанди. Бироқ, «Навбаҳор» мураббийлари дастлабки босқични клуб қароргоҳида ўтказишни лозим топишди. Бунга эса асосий таркибнинг бир қатор футболчиларини белгиланган муддатда жамоа иҳтиерига етиб келаолишмагани сабаб бўлганлиги ҳақиқатга яқинроқ. Бевосита жамоа машғулотларини кузатиб, биринчи даврада «Навбаҳор» шарафини ҳимоя қилган кўплаб уйинчиларни йўқлигига гувоҳ бўлдик. Йиғиннинг дастлабки кунларида Баҳром Йўлдошев, Дилшод Жабборров, Владислав Кирьян, Мухтор Фозилов ва Абдулазиз Султоновлар ҳам кўринишмаганди. Маълум вақт ўтгач юқорида номлари қайд этилган уйинчилар таркибга қушилишди. Сер¬гей Захарецкий, Акмал Рисқуллаев, Юрий Шеленков, Максим Белих, Байрамниёз Бердиев, Дийдор Хожиев, Гуванчмуҳаммад Овеков, Мамедали Карадановлар эса турли сабабларга кўра машғулотларда қатнашишмади.
Изланишларимиз натижасида Захарецкий в.а Рисқуллаевларни бошқа жамоалар таркибига бориб қўшилганлиги маълум бўлди. Жамоанинг легионерлари ҳам маълум сабабларга кўра ўз вақтида сафга қўшилишмади. Бироз вақт олдин Овековни Наманганга қайтмаслиги ҳақида маълумот бериб ўтгандик. Клуб расмийларини билдиришларича, тажрибали футболчи шу кунларда жамоа иҳтиёрига қўшилади. Аксинча Байрамниёз Бердиев ва Мамедали Карадановлар иккинчи даврани «Навбаҳор»да ўтказмасликлари мумкин экан. Қолган уйинчилар¬ни шу кунларда мураббийлар иҳтиерига етиб келишлари режалаштирилган. Қолган фут,олчиларнинг барчалари йиғинда иштирок этишмоқда.
Мураббийлар йўқотишлар ўрнини тўлдириш мақсадида таркибга бир қатор ёш футболчиларни жалб этишди. Бйринчи давра давомида ўринбосарлар сафида ҳаракат қилган бир қатор ешлар билан биргаликда бошқа жамоа вакиллари ҳам машғулотларда қатнашишмоқда. Рафаэль Муслимов, Собир Элибоев ва Мирғолиб Раимовлар шулар жумласидандир. Муслимов мавсумнинг биринчи қисмини Қирғизистон чемпионатида Қорасув шаҳри жамоаси шарафини ҳимоя қилган. Элибоев эса ўз вақтида юртимизнинг бир қатор клубларида тўп сурган. Мирғолиб Раимов эса олдинги мавсумларда «Қурувчи» жамоаси таркибида ҳаракат қилган. Шунингдек, яна бир қатор ёшлар ҳам мураббийлар кўригидан ўтишмоқда. Уларнинг аксарияти мухлисларимизга таниш эмасликларини ҳам қўшимча қилиш мумкин.
Айни пайтда «Навбаҳор» жамоасида жиддий муаммолар борлиги кўзга ташланмоқда. Клубнинг айрим футболчилари ойлик ва маошларини ўз вақтида олишмагани учун ЎФФга арз қилишгани ҳақидаги хабарлар ҳам йўқ эмас. Агарда ўйинчилар билан белгиланган муддатларда ҳисобкигоб ишлари амалга оширилмаса, у ҳолда «Навбаҳор»га бир қатор жазо чораларини қуллаш ҳам кўзда тутилган. Умид қиламизки, бевосита клубнинп лигада қатнашиши учун бош-қош бўлаётган раҳбарлар юқоридаги каби муаммоларни яқин кунлар ичида бартараф этиб, жамоани иккинчи давра¬ни муносиб ўтказиши учун зарур бўлган барча шарт-шароитларни яратиб беришади. Акс ҳолда ўзининг бой тарихи ва фидоий мухлисларига эга бўлгағ клуб қийинчиликлар гирдобига тушиб қолиши мумкин. Мухлисларнинг ҳаққи-ҳурмати учун ҳам муаммолар ўз ечимини топса ҳам мақсадга мувофиқ бўларди.
Наманганликлар 22 июлдан бош¬лаб, машғулотларни Тошкентда ўтка-зишни режалаштиришмоқда. Жамоа аъзолари бир ҳафта давомида пойгахтда йиғин ташкил этиб, бир қатор ўртоқлик учрашувларида майдонга тушишни режалаштиришган. Шундан кейин «Навбаҳор» Наманганга қай-тиб, иккинчи давранинг дастлабки учрашувига сўнгги тайёргарлик ишлари-ни бошлаб юборади.
Манба “Аср футболи” газетаси