2 турдаги ушбу ғалабадан сўнг жамоамизга бўлган ишонч яна ортиши табиийдир. Хусусан, мухлисларимиз айнан бу ғалабани интиқлик билан кутишган эди. Шунинг учун жамоа устози Мустафо Байрамов мазкур ғалаба айнан ашаддий ишҳибозлар учун эканлигини таъкидлаб ўтди.
Мустафо Байрамов («Навбаҳор» бош мураббийи): - Биринчи учрашувда очко йўқотганлигимиз учун мухлислар олдида ўзимизни оқлашимиз керак эди. Шу боис, Ғузорга мағлубиятга учрамаслик учун ташриф буюргандик. Буни уддалаганимиздан хурсандман. Ҳар икки жамоа футболчилари яхши ўйин намойиш этишди. Қайси жамоа биринчи бўлиб гол урса, ўша клуб ғалабани нишонлаши аниқ эди. Омад эса бизга кулиб боқди. Ғузорликлар тўп киритишганида ғалабани улар нишонлашлари ҳам мумкин эди.
- Бугунги намойиш этган ўйининглар билан олдинги турда «Олмалиқ» билан қанақасига дуранг ўйнадинглар?
- Олмалиқликлар билан бўлган учрашув мавсумнинг биринчи ўйини бўлганлиги, қолаверса, маҳаллий мухлисларнинг босими остида ўтганлиги сабабли, футболчиларни ҳаяжон босди. Шу боис, жамоамиз керакли натижага эришолмади.
Фурсатдан фойдаланиб, бизни қўллаб-қувватлаш учун узоқ йўл босиб, Намангандан ташриф буюрган ишқибозлар, уларга қувонч улашган йигитларга ўз миннатдорчилигимни билдирмоқчиман. Шогирдларим мухлисларнинг қўллаб-қувватлашларини ҳис қилган ҳолда тўп суриб, ижобий натижага эришишди.
Усмон Тошев («Шўртан» бош мураббийи): - Майдон сифатсиз бўлганлиги учун футболчилар ўз маҳоратлрини тўлиқ намойиш этолмадилар. Биз бугун мухлисларга қўшалоқ байрам туҳфа этмоқчи эдик. Афсуски, бунинг удасидан чиқолмадик. Шогирдларим тезроқ тўп киритиш учун олдинги ташланиб, ҳимояни унутишди. Бундан эса меҳмонлар унумли фойдаланишди. Бироқ йигитларнинг кўрсатган ўйинларга эътирозим йўқ. Улар қўллардан келганча ҳаракат қилишди. Жамоамизда тартиб-интизомнинг йўқлиги дастлабки икки ўйинда билиниб қолди. Икки учрашувда майдондан четлатилган футболчилар - Илдар Юлдашев ва Комил Жўраевларнинг масалаларрини жамоа йиғилишида кўриб чиқамиз. Уларга лозим бўлса, қаттиқ жазо қўллаймиз. Сабаби, ушбу футболчиларнинг майдондан четлатилишлари футболчиларга руҳий жиҳатдан таъсир қилди ва мағлубиятимизга сабабчи бўлди. Кейинги учрашувларда вазиятни ўнглашга ҳаракат қиламиз.
|