Автор: ПФК-НАВБАҲОР   
12.02.2009 12:46
Туркияда машғулотлар олиб бораётган жамоамиз ушбу ҳафтада иккита ўртоқлик учрашуви ўтказишди. Ушбу баҳсларда водийликларга Қозоғистон клублари рақиблик қилишди. Дастлабки учрашувда Мустафо Байрамов шогирдлари 9 февраль куни «Ордабаси» (Чимкент) билан куч синашиб, дуранг ўйнашди - 2:2. «Навбаҳор»нинг голларига Носир Отақўзиев ва Алишер Маҳмудовлар муаллифлик қилишди. Чимкентликлар билан бўлган ўйинда наманганликлар таркибида қуйидаги футболчилар ҳаракат қилишди: Сергей Захарецкий, Раҳматулла Бердимуродов, Юрий Шеменков, Акмал Рисқуллаев, Максим Белих, Алишер Маҳмудов, Темур Султонов, Дилшод Жабборов, Дийдор Ҳожиев, Гуванчмуҳаммад Овеков, Носир Отақўзиев.
Захирадан майдонга тушганлар: Отабек Пирматов, Владимир Баранов, Элмурод Низомбоев, Отабек Валижонов, Баҳром Йўлдошев.
11 февраль куни «Жезқўзғон» клуби наманганликларга рақиб бўлди. Ўйин 1:1 ҳисобида якунланди. «Навбаҳорчилар»-нинг тўпини Носир Отақўзиев киритди. Мустафо Байрамов қуйидаги футболчиларни майдонга туширди: Байрамниёз Бердиев, Раҳматулла Бердимуродов, Акмал Рисқуллаев, Темур Султонов, Максим Белих, Алишер Маҳмудов, Дилшод Жабборов, Дийдор Ҳожиев, Мухтор Фозилов, Гуванчмуҳаммад Овеков, Носир Отақўзиев.
Захирадан майдонга тушганлар: Отабек Пирматов, Владимир Баранов, Отабек Валижонов, Баҳром Йўлдошев, Элмурод Низомбоев.
Бугун эса водийликлар Руминиянинг «Университатя» клуби билан куч синашишади.
Клубдан олинган маълумотларга қараганда, «Навбаҳор» таркибига Туркияда йиғин ўтказаётган Европа мамлакатларининг икки - уч нафар ҳужумчилари қўшилишади. Ҳозир клуб раҳбарлари улар билан музокаралар олиб боришмоқда.