“ҲОКИМ КУБОГИ”НИНГ ТАҚВИМИ ТАЙЁР      
Автор: ПФК-НАВБАҲОР   
24.01.2009 16:22

Аввал хабар бериб ўтганимиздек,  ўтган йили айрим сабабларга кўра, ўтказилмай қолган “Ҳоким Кубоги” мусобақа яна йўлини давом этади. Фарғона Вилояти Футбол Федерацияси томонидан ташкил этилган турнирда саккиз жамоа иштирок этади. “Нефтчи” иккита таркиб билан мусобақада қатнашади. “Андижон” ва “Навбаҳор” эса Фарғонага ўринбосарларни юборадиган бўлди.

Биринчи лига аъзолари “Ўз донг Жу”, “Бунёдкор-Қўқон”, ва “О. Акбаров” жамоалари ҳам “Ҳоким Кубоги”да иштирок этишга розилик берган. Мусобақада қатнашиши кўзда тутилган Шаҳрихоннинг “Оқ Олтин” жамоасидан эса рад жавоб келди. Мазкур жамоанинг ўрнини тўлдириш мақсадида турнирда Фарғона Олимпия Заҳиралари Спорт Коллежи (ФОЗСК) қатнашадиган бўлди.  Жамоалар икки гуруҳга бўлиган ҳолда бош соврин учун кураш олиб боришади. Бу йил регламентга бироз ўзгартиришлар киритилган. Аввалги мусобақада ўз гуруҳида биринчи ўринни олган икки жамоа финалда турнир ғолибини аниқлаб берарди. Бу йил ўз гуруҳида биринчи ўринни олган жамоалар 1-2 ўрин учун, иккичи поғонани эгаллаган жамоалар 3-4 ўрин учун, гуруҳнинг учинчи жамоалари 5-6 ўрин учун, ниҳоят, гуруҳ аутсайдерлари 7-8 ўрин учун кураш олиб боришади. Ўйинлар Киргулидаги “Нефтчи” ва Тошлоқ шаҳридаги “Тошлоқ” стадионларида бўлиб ўтади.

Жамоалар гуруҳларга қўйидагича бўлинишди:

“1”-гуруҳ
“Нефтчи”-1/b>
“Навбаҳор”
“Андижон”
“Ўз донг Жу
“2”- гуруҳ
“Нефтчи”-2
“О.Акбаров”
“Бунёдкор Қўқон”
ФОЗСК 
  Навбахор сайтидан олинди