Bugun Dinamo-Navbahor jamoalarining o'rinbosarlari o'zaro kuch sinashdi. Unda mezbonlar 3:1 hisobida g'alaba qozondi. Vakillarimizda yagona golga Abdumalik Abdullayev mualliflik qilgan. Navbatdagi mag'lubiyatdan so'ng o'rinbosarlarlarimiz so'nggi pog'onalardan biriga mustahkamlashdi. Darvozani Oleg Gorvits qo'riqlamaganligini samarqandlik tanishlar aytib o'tishdi

Қисқа вақт ичида мухлисларнинг ёқимтойига айланиб қолган «Навбаҳор» дарвозабони Микола Павленко айни пайтда жамоа билан бирга эмас! Хабарларга қараганда, Павленко Украинага қайтиб кетган. Нима сабабдан ўз юртига кетганлиги ҳозирча бизга қоронғу. Яна хабарларга эътибор берадиган бўлсак, Павленко келгуси ҳафтада яна Наманганга қайтаркан. Шуниси аниқки, эртанги «Динамо» билан ўйинда дарвозани Павленко қўриқламайди. Бизнингча, дарвозани эртага Ботир Носиров қўриқласа керак. Горвиц эса, бугун ўринбосарлар учрашувида майдонга тушади. Эсингизда бўлса, ўтган мавсумда М.Павленко «Насаф»да тўп суриб юрган кезларида ҳам жамоани тарк этганди, бир нечта учрашувда ўйнаб. Умид қиламизки, Павленко албатта яна юртимизга қайтиб келади!