Мана 2011 йилги футбол мавсуми бошланишига ҳам саноқли кунлар қолди. Маълумки, бу йилги мусобақада ҳам худди ўткан йилгидек 14та жамоа иштирок этади ва ўйинлар икки даврали тизим асосида ўтказилади. Бу йилги чемпионат баҳслари ҳарқачонгидан ҳам қизиқарлироқ, шиддатлироқ ўтиши кутилмоқда. Чунки Осиё чемпионатидаги ёрқин ўйинлари туфайли гранд жамоаларимиз ўйинчилари ҳориж клубларига ўтиб кетишди. Жумладан, "Пахтакор” жамоаси сардори Одил Аҳмедов Россиянинг "Анжи” клубига бир йил муддатга ижарага берилган бўлса, "Бунёдкор” жамоасига тегишли бўлган Анзур Исмоилов Хитойга, унинг жамоадошлари Сервер Жепаров ва Темур Кападзелар Жанубий Кореянинг КЕЙ-лигасига йўл олдилар. Бу йилги чемпионат баҳсларида камида 4-5 та жамоа ғолиблик учун курашади. Шунингдек илк бор Ўзбекистоннинг тўрт жамоаси Осиё майдонларида баҳсга киришишади. Бу эса албатта Ўзбекистоннинг Осиё Қитъасида ўз нуфузига ошиб бораётганидан далолатдир. Осиё Чемпионлари Лигасида Тошкентнинг "Бунёдкор” ва "Пахтакор” жамоалари иштирок этса, ОФК кубогида Қашқадарёнинг икки жамоаси "Насаф” ва ”Шўртан” иштирок этади. Албатта, Осиё Футбол Конфедерацияси томонидан ҳалқаро мусобақаларга Ўзбекистон учун тўртта ўрин берилиши Пророффесионал Футбол Лигамизнинг янада қизиқарли ўтишига замин яратади. Бу йилги мавсумда водий жамоалари ҳам муносиб иштирок этишига умид қилиб қоламиз. Зеро водийга ҳам қачондир футбол ҳавоси қайтиши ва Осиё футболи "ҳаво"сидан водийлик мухлислар ҳам баҳри олиши керакку. Биз қачон яна Осиё майдонларида "Нефтчи”, "Навбаҳор”ни кўрамиз? Қачон уларнинг ажойиб ўйинлари гувоҳи бўламиз? Ўтган мавсумда "Андижон” жамоаси кучли тўрталикка киришга ҳаракат қилиб кўрди лекин чемпионат баҳсларида уларнинг ўйинида муқимлик етишмади. Янги мавсум "Навбаҳор” жамоасига ўзгача мавсум бўлишига, яъни қуйи лигага тушиб кетмаслик учун курашишга эмас балки кучли учликка киришга ҳаракат қилишади деб умид қилиб қоламиз. Ҳудди ўтган йилгидек, "Навбаҳор” биринчи тур учрашувини ўз уйида ўтказади. Шу муносабат билан "Навбаҳор” мухлисларига жамоамизнинг биринчи даврада ўтказадиган ўйинлари тақдим қилишга қарор қилдик. 
Марҳамат, севимли жамоамиз ҳақидаги янгиликлар фақат Сиз азиз мухлислар учун тақдим қиламиз!

Биринчи давра

1-тур

"Мухлислар стадионга қайтадиган кун!"

Навбаҳор-Металлург

2-тур


"Бу йилги мавсумда янги Бунёдкор ва янги Навбаҳор баҳсига гувоҳ бўламиз!”


Бунёдкор-Навбаҳор

3-тур

"Ўтган йилги ҳисоб такрорланадими?”

Навбаҳор-Шўртан

4-тур

"Жалилов "Навбаҳор”ни Самарқанда кутиб олади!”

Динамо-Навбаҳор

5-тур

"Водий дербиси - 2 ёҳуд Учрашув-3”

Навбаҳор-Андижон

6-тур

"Марат Кабаев ва Элдор Сакаев дуэли!”

Қизилқум-Навбаҳор

7-тур

"Ўтган йилги дуранг тасодифми ёки ...!”

Навбаҳор-Олмалиқ

8-тур

"Қачондир Тошкентдан уч очкосиз кетиш анъанасига барҳам бериш керакку!"

Пахтакор-Навбаҳор

9-тур

"Водий ва воҳа дербиси!”

Навбаҳор-Насаф

10-тур

"Бир йилги танаффусдан сўнг яна Жиззахга сафар уюштирамиз!”

Суғдиёна-Навбаҳор

11-тур


""Бухоро”га ростдан ҳам футбол баҳори қайтдимикан?!”

Навбаҳор-Бухоро

12-тур

"Воҳага биринчи сафар Муборак шаҳрига!”

Машъал-Навбаҳор

13-тур

"Водий дербиси № 1”

Навбаҳор-Нефтчи

манба: www.uff.uz