Гарри 1991 йилнинг июль ойида "Юнайтед" сафига келиб қўшилди. 1992 йили ёшлар ўртасида Англия Кубоги ғолиби бўлган жамоа сафида тўп сурди. 
Манкунианликлар либосида, хаммаси бўлиб 602 та ўйинда майдонга тушди. 2005 йили "Манчестер Юнайтед" жамоасининг сардорига айланди.
Невилл 1995-2007 йиллар оралиғида 85 бор Англия терма жамоаси сафида майдонга тушди. У икки марта жаҳон чемпионатида (1998 ва 2006), ҳамда уч бор Европа биринчилигида (1996, 2000 ва 2004) иштирок этди.
36 ёшни қарши олган Невилл фаолиятини тугатишга қарор қилди ва шундай деди:
"Мен бутун умрим давомида "Манчестер Юнайтед" мухлиси бўлдим ва болалик орзуларимга эришдим. Албатта, фаолиятимни тугатганимдан бир оз хафаман, бироқ аввалгидек юқори даражада ўйнай олмаслигимни ҳис қилганимдан сўнг, шундай қарор қабул қилишни афзал кўрдим. Умуман олиб қараганда эса, ўз фаолиятимдан кўнглим тўқ, чунки кўплаб мукофотларни қўлга киритдим, жаҳон миқёсидаги юлдузлар билан елкама-елка тўп сурдим, буюк жамоа сардори бўлдим. Бунинг учун жуда кўплаб инсонларга ўз миннатдорчилигимни билдиришим лозим. Биринчи навбатда, мураббийим сэр Алекс Фергюссонга раҳмат айтаман. Ўтган йигирма йил ичида у менга кўп имкониятлар яратиб берди, ҳаётимнинг оғир дамларида хам ўз ёрдамини аямади.
Ҳаётимдаги янги ўзгаришларни сабрсизлик билан кутаяпман. Бироқ, "Юнайтед" ҳамиша қалбимнинг, хаётимнинг бир бўлаги бўлиб қолади."

Сэр Алекс Фергюсон бу қарорга шундай изоҳ берди:
"Гарри жамоамизнинг энг яхши тарбияланувчиларидан бири эди. Унинг фаолиятини ёшларга ўрнак қилиб кўрсатсак арзийди. Невилл ҳар доим жамоамизга содик эди."
"Унинг жамоа муваффақиятига қўшган ҳиссаси беқиёс. Бундан ташқари 2005 йилдан буён, яқин-яқинларгача у жамоа сардори бўлиб келди. Мен ўйинчи ва инсон сифатида уни хамиша ҳурмат қилиб келганман. Гарри ўз вақтида дунёнинг энг яхши ўнг қанот химоячиларидан бири эди."
"Гаррининг болалик давридаёқ, ундаги ғалабага бўлган чанқоқликни сезгандим. У худди сардор бўлиб туғилгандек, ўзини хам, рақибларни хам аямасди."

Дэвид Бэкхемнинг "Facebook"даги варағида қуйидаги сўзларни ўқиш мумкин:
"Гарри нафақат ажойиб инсон, балки жаҳоннинг энг яхши химоячиларидан бири хамдир."
"Юнайтед" ва Англия терма жамоасида у билан бирга ўйнаганимдан фахрланаман. Гарри бугунги кунда мақтовга лойиқ."

"Юнайтед" ўйинчиси Рио Фердинанд хам Бекснинг фикрларига қўшилган холда "Twitter"ида шундай дейди: "Гарри - Англия Премьер лигаси тарихидаги энг яхши ўнг қанот химоячиси. Унинг кетиши биз учун сезиларли йўқотиш бўлади."
"Гарри Невилл манкунианликларнинг хақиқий афсонаси. У жамоага борини берди, доимо жамоадошларига содиқ қолди ва бир талай мукофотлар соҳибига айланди."

Гарри Невиллнинг фаолияти давомида қўлга киритган ютуқлари:

* Премьер Лига ғолиблиги (8): 1995/96, 1996/97, 1998/99, 1999/2000, 2000/01, 2002/03, 2006/07, 2008/09
* Англия Кубоги (3): 1996, 1999, 2004
* Футбол Лигаси Кубоги (2): 2006, 2010
* УЕФА Чемпионлар лигаси (2): 1999, 2008
* Англия суперкубоги (3): 1996, 1997, 2008
* Қитъалараро кубок: 1999
* Жамолар ўртасидаги жаҳон чемпионати: 2008