"Бунёдкор" ва "Навбаҳор” жамоалари ўртасидаги баҳсдан сўнг "Навбаҳор” устози Элдор Сакаев матбуот анжуманида ўз фикрлари билан ўртоқлашди. Сакаев рақибнинг тажрибаси ўйинда ўз сўзини айтганини таъкидлади.
«Бугун биз Ўзбекистон терма жамоаси аъзоларидан ташкил топган кучли рақиб билан ўйнадик. Учрашувдан олдин шогирдларимга алоҳида кўрсатма бериб, мана шундай рақибга қарши ўйинлар орқали ўзимизни нималарга қодир эканлигимизни кўрсатиб беришимиз кераклигини уқтиргандим».
«Биринчи бўлимда кутилган ўйинни намойиш қила олмаган бўлсак, учрашувнинг иккинчи қисимда ўйинимизда бироз жонланиш кузатилди. "Бунёдкор”нинг ўрта чизиғи кучли кўринишга эга. Бизнинг жамоамиз энди-энди шаклланмоқда. Ҳозирча бизга стабиллик етишмаяпти. Айнан шу нарса жуда муҳим ҳисобланади» дея "Навбаҳор” бош мураббийининг сўзларидан иқтибос келтириб ўтди, "Бунёдкор" расмий сайти.
Манба: www.fcbunyodkor.com
Тошкентда кечган учрашувнинг 100 сониялари ўтиб бораётган вазиятдаёқ "Бунёдкор” футболчилари ҳисобда олдинга чиқиб олишди. Чап қанотдан Шавкат Саломов томонидан етказиб берилган тўпни Милош Трифунович дарвоза тўрига жойлаб қўйди. Қолган дақиқаларда иккала жамоа футболчилар бироз суст ҳаракат қилишди ва бу ҳисобнинг ҳам ўзгармай қолишига сабаб бўлди. 1:0 — "Бунёдкор” қолган пешқадамлар билан келишиб олгандек худди улар қайд этган натижани қайд этди.
«БУНЁДКОР» - «НАВБАҲОР» 1:0 (1:0) Гол: Трифунович (2)
«БУНЁДКОР»: Игнатий Нестеров, Хайрулла Каримов, Ислом Иномов, Азизбек Ҳайдаров, Шавкат Саломов, Милош Трифунович (Камолиддин Мурзоев, 60), Славолюб Жоржевич, Анвар Солиев, Виктор Карпенко, Саҳоб Жўраев (Анвар Ғофуров, 46), Асқар Жадигеров (Жавлон Иброҳимов, 69).
«НАВБАҲОР»: Денис Романенко, Жамол Отақулов, Патрик Агбо, Абдумажид Тоиров, Рустам Қурбонбоев (Бахриддин Амонов, 70), Шавкат Насибуллаев, Отабек Валижонов (Алишер Маҳмудов, 81), Виталий Почуев, Илҳом Бойдедаев, Рўзимбой Аҳмедов (Жасур Бобоев, 71), Александр Шадрин.
Огоҳлантиришлар: Жўраев (42), Жадигеров (58) - Тоиров (33). Бош ҳакам: Игорь Худойдотов.
|