 Маълумки, Россиянинг ЦСКА жамоасининг асосий ўйинчиларидан бири ҳисобланган Юрий Жирков бу мавсумдан эътиборан "Челси" жамоаси таркибига қўшилган эди. Россия термасининг асосий ўйинчиси ҳисобланган Жирков бугун "Челси" таркибида Англия Премьер Лигасида ўйнаш ҳуқуқини қўлга киритди. АҚШ нинг Балтимор шаҳрида бўлиб ўтаётган турнирда "Челси" ва "Милан" жамоалари ўртасидаги ўйинда асосий таркибда майдонга тушган Жирков ўзининг дебют ўйинини фантастик тарзда нишонлади.
Биринчи бўлим 1-1 ҳисобида якунланган ўйининг 7-дақиқасида КотД Ивуарлик ҳужумчи Д.Дрогба ҳисобни очган бўлса, биринчи бўлим якунларида россонерлар ярим ҳимоячиси К.Зеедорф ҳисобни тенглаштирди. Иккинчи бўлимнинг 68-дақиқасида эса Жирков аристократларга ғалаба келтирувчи гол муаллифи бўлди. Ҳисоб 2-1 "Челси" фойдасига.
Шуни таъкидлаш жоизки, ўйиннинг 64-дақиқасида аристократлар таркибида Анелька ўрнига Шевченко майдонга чиққан.
"Челси": Чех, Бозингва (Хатчинсон, 90), Иванович, Терри, Э. Коул, Оби Микел, ЖИРКОВ (Мансьенн, 84), Беллетти, Лэмпард, Анелька (Шевченко, 62), Дрогба (Писарро, 74).
"Милан": Калач, Оддо, Неста (Оньеву, 66), Тиагу (Каладзе, 74), Дзамбротта (Янкуловски, 74), Пирло (Гаттузо, 71), Зеедорф (Абате, 62), Фламини, Роналдинью (Ди Дженнаро, 78), Пату (Индзаги, 80), Боррьелло (Зигони, 66).
|
Бош сахифа 
2:1
0:1
0:1
: