17-миллий чемпионатимиз тобора қизғин суръат олмоқда. Кўпчилик қатори менинг ҳам жорий мавсумдан умидим катта. Хусусан, севимли жамоам -«Навбаҳор»дан чиройли ўйинлар кутмоқдаман. Мухлислардан илтимосим: жамоанинг охирги мавсумлардаги муваффақиятсизлигини унутайликда, унинг шонли тарихини эсга олган ҳолда стадионни аввалгидек тўлдириб ўтирайлик. Эй мухлислар, «Навбаҳор»дан нолимангиз, Ўйинлари қовушмаса койимангиз, Анчагина ҳурмати бор бу заминда, Айтиб берай билганларим, тинглангиз. «Навбаҳор»ни зафарларин айтсам чунон, Қойил қолиб, дегайсизлар офарин, «Бунёдкор»дек чемпион ҳам бўлиб қўйган, Уч бор олиб кубокни дўндириб қўйган. Суперкубок соҳиби бўлгани айтсам, Фарғонада «Пахтакор»ни енгиб қўйган, Мамлакатнинг номдори балким «Пахтакор», Суперкубок соҳиби фақат «Навбаҳор». Номи ўзига яраша жарангдор, «Навбаҳор»дан зўри қайда бор, Забт этмаган чўққиси қолмаган, Зўрлигидан юрт кезиб, қайлар бормаган? Орзу қилар ҳамон «Насаф»у «Андижон», Ҳанузгача не қилсада ғолиб бўлмаган, Мамлакатни номдори балким «Пахтакор», Совринларни барин олган - бу «Навбаҳор». Номи ўзига яраша жарангдор, «Навбаҳор»дан зўри қайда бор, Кимлар келиб ўйнамаган Наманганда, Келолмаганлар қолган армонда. «Навбаҳор»ни донғи кетган ҳар томонга, Арабистону Амирликлар, ҳатто Теҳронга, Осиёни зўри бўлмиш Али Даи, Қойил қолиб дегани рост балли-балли. Меҳмон бўлиб тўп сурганда «Озоди»да, Беллашган юз минг фанат кўз ўнгида, Ютуқлар кўп таърифлашга арзигулик, Маҳмуд ёзди қолганларин ўз ёдида. Маҳмуджон Пўлатов, Наманган шаҳри.
|