 Хабарингиз бор жамоамиз ўтган ҳафтада навбатдаги ўқув-машғулотлар йиғинини ўтказиш учун Туркиянинг Анталия шаҳрига йўл олишганди. У ерга жами 23 футболчи олиб кетилган: Байрамниёз Бердиев, Ботир Носиров, Сергей Захарецкий, Максим Белих, Юрий Шеменков, Баҳром Йўлдошев, Акмал Рисқуллаев, Алишер Маҳмудов, Дийдор Ҳожиев, Дилшод Жабборов, Мухтор Фозилов, Носир Отақўзиев, Раҳматулла Бердимуродов, Отабек Пирматов, Владимир Баранов, Абдулазиз Султонов, Темур Султонов, Отабек Валижонов, Жаҳонгир Меҳмонов, Илҳом Бойдедаев, Дурбек Умаралиев, Мирзоҳид Ғофуров, Элмурод Низомбоев. Туркия сафари олдидан Александр Критинин, Жаводулла Ибрагимов, Шерзод Шарипов ва Фарҳод Усмоновларга жавоб бериб юборилди. Туркияда эса «Навбаҳор» сафига 2005 йили жамоада тўп суриб, мухлислар меҳрини қозонган ҳужумчи Гуванчмуҳаммад Овеков қўшилди. Клуб матбуот котиби Ёқубжон Юсуповдан олинган маълумотга кўра, наманганликлар Анталиядаги илк назорат - синов учрашувларини 7 февраль куни Россиянинг «Луч-Энергия» клубига қарши ўтказишди. Баҳс 3:2 ҳисобида русларнинг ғалабалари билан якунланди. Наманганликларнинг голларига Носир Отақўзиев ва Гуванчмуҳаммад Овековлар муаллифлик қилишди. Владивостокликларга қарши кечган учрашувда «Навбаҳор» таркибида ушбу ўйинчилар майдонга тушишди:Бердиев, Белих,Шеменков, Йўлдошев, Рисқуллаев, Маҳмудов, Ҳожиев, Жабборов, Фозилов, Овеков, Отақўзиев. Захирадан майдонга тушганлар: Носиров, Бердимуродов, Пирматов, Баранов, А.Султонов, Т.Султонов, Валижонов.
Вакилларимиз кейинги учрашувни бугун Қозоғистоннинг «Ордабаси» клубига қарши майдонга тушишади. Навбатдаги баҳс 11 февраль куни Украинанинг «Львов» жамоаси билан ўтказилади. 13 февраль куни эса Мустафо Байрамов шогирдларига Руминиянинг «Университетад» клуби рақиб бўлади.
|
Бош сахифа 
2:1
0:1
0:1
: